الا يا ليل يا ليل غشاني

طويل سرمدي فيه ريبه

عوى ذيبه ودوى بالمثاني

وجاوب بالعوى لعواه ذيبه

تحت جنحه كواني ما كواني

من اللوعات بايام عصيبه

وعيا ينجلي وانا بمكاني

اجود بصافي الدمع وسريبه

اشوف الشمس عندي بالعياني

تغايب عن منازلها القريبه

قمرنا غاب بعقود ثماني

وصار هلال عوّد في مغيبه

وانا انخا سهيل يا سهيل اليماني

ترا ما للحمول الا النجيبه

اشوف ان النجوم بجو ثاني

تسامر مع كواكبها الرقيبه

وانا أبكي واشتكي حر الزماني

ودافع عبرتي ووجس لهيبه

ابرفع ناظري للي دعاني

الي ضاقت مناكبها الرحيبه

الهي خالقي رب هداني

يفرج كربتي لو هي صعيبه